Iki sany ýaş gelin 'türkmene gelişmejek geýim' geýmekde aýyplanyp, polisiýa bölümine alnyp gidildi
Siziň brauzeriňiz HTML5 formatyny goldamaýar
Marynyň “Maru-şahu jahan” bazarynyň golaýynda 23-nji maýda iki sany ýaş gelin polisiýa tarapyndan “türkmene gelişmejek geýim” geýmekde aýyplanyp saklandy we şäher polisiýa bölümine alnyp gidildi. Polisiýa merkezinde birnäçe sagada çeken sorag edişlikden soň, zenanlar “köpçülik ýerlerinde özlerini ýeňil alyp barmazlyk” tabşyryklary bilen boşadyldy. Bu barada Azatlyk Radiosynyň habarçysy sebitden habar berýär.