Döwlet departamentiniň metbugat sekretary 3-nji maýda ABŞ-nyň Türkiýäniň “Ermeni howaýollarynyň” uçuş rugsadyny togtatjakdygy barada beren habaryndan "lapykeç" bolandygyny aýtdy.
"Iki ýurduň arasyndaky howa aragatnaşygyny gaýtadan dikeltmek babatynda biraz öň gazanylan ylalaşyk diňe iki ýurduň arasynda däl, eýsem sebit durnuklylygy babatynda hem möhüm ynam dörediş çäresi boldy" diýip, metbugat sekretary Wedant Patel brifing wagtynda aýtdy.
"Türkiýe bilen Ermenistanyň ykdysady gatnaşyklary we açyk transport aragatnaşygyny dikeltmegi dowam etdirip biljekdigine biz çyn ýürekden umyt baglaýarys" diýip, ol sözüniň üstüni ýetirdi.