Los Anjelsde Amerikanyň "Oskar" kinoakdemiýasynyň baýraklarynyň gowşurulmagynyň 95-nji dabarasy gdeçirildi.
Russiýanyň iň görnükli oppozisiýa lideri Alekseý Nawalnyny öldüm-öldüme salan zäherlenmä we onuň 2021-nji ýylda Moskwa gaýdyp geleninden soň tussag edilmegine bagyşlanan dokumental film 12-nji martda Oskar baýragyny aldy.
Nawalnynyň aýaly Ýuliýa Nawalnaýa, sahnada kinorežissýor Daniel Roher bilen goşulyşyp: "Meniň adamym diňe hakykaty aýdany üçin türmä basyldy. Meniň adamym diňe demokratiýany gorany üçin türmede otyr. Alekseý, men seniň we biziň ýurdumyzyň azat boljak gününi arzuw edýärin” diýdi. Ol sözüniň soňunda “Berk dur, meniň söýgim. Sag boluň” diýdi.