6-njy fewralda Türkiýede bolan güýçli ýer titremesi wagtynda binalaryň we desgalaryň ýykylmagy bilen baglanyşykly 182 adam tussag edildi, 400-den gowrak adam şübheli hasaplanýar.
"Associated Press" habar gullugynyň maglumatyna görä, olar esasan jaý gurluşyk potratçylary, jaý eýeleri ýa-da dolandyryjylary. Adalat ministri Bekir Bozdagyň sözlerine görä, ýykylan binalaryň ýerlerindäki subutnamalar jenaýat derňewi üçin esas bolup hyzmat edýär.
Hünärmenler ýer titremesinden soň ýykylan köp binanyň we desganyň pes hilli gurluşyk materiallary bilen üpjün edilendigine we döwlet standartlaryna laýyk gelmeýändigine ynanýarlar.
Şeýle hem, türk häkimiýetleri talaňçylyk faktlaryny derňeýärler. Şu wagta çenli 200 töweregi adam tussag edildi.
6-njy fewralda 7.8 ball güýji bilen dörän ýer titremesinde ölenleriň sany 50 müň adama ýetdi.