Türkiýede we Siriýada bolan ýer titremesiniň yzlary

Türkiýäniň günorta-gündogarynda ýerleşýän Diýarbakir şäherinde 2023-nji ýylyň 6-njy fewralynda bolan ýer titremede, diri galanlar gözlenýän wagtynda, bir ýaşaýjy başyny tutup otyr. Türkiýäniň günorta-gündogarynda Kahramanmaraş welaýatynda 7,4 bally ýer titreme boldy. Sarsgyn goňşy ýurtlarda-da duýuldy. Müňlerçe jaý ýykyldy.

Türkiýäniň Adana şäherinde köp gatly ýaşaýyş jaýynyň üçüsi doly ýykyldy. Suratda halas edijiler harabaçylyklaryň aşagyndan, şäheriň diri galan ýaşaýjylaryny çykarýarlar.

Seýsmologlar munuň Türkiýede soňky döwürde bolan iň weýran ediji ýer titremeleriň biri bolmagynyň mümkindigini belleýärler. Ýerasty sarsgyn birnäçe sebitlerde: Adanada, Ankarada, Antalýada, Gaziantepde, Kaýseride, Mersinde, Trabzonda, Urfada, şeýle hem Siriýada, Liwanda, Yrakda, Müsürde, Gresiýada, Kiprde, Ermenistanda we Ysraýylda duýuldy. Müňlerçe adam öldi. Siriýanyň Azaz şäherinde wideoýazgylardan alnan surat – halas ediji jaýyň harabaçylygynyň aşagynda galan çagany alyp barýar.

Siriýanyň Jandaris şäheriniň köçesinde.

Türkiýäniň prezidenti Rejep Taýýyp Erdogan ýurtda müňlerçe adamyň ýogalandygyny, köp adamyň ýaralanandygyny habar berdi. 2,8 müňe golaý jaý weýran boldy.

Suratda Türkiýäniň Diýarbakir şäherinde bolan heläkçiligiň netijeleri görünýär. Bu ýerde ýer titreme wagtynda, 8 gatly jaý ýykyldy.

Suratda Türkiýäniň günortasynda ýerleşýän Adana şäherinde bolan heläkçilik.

Türkiýäniň Kahramanmaraş welaýatynda ýer titreme 7 km. çuňlukda, ýerli wagt bilen ir sagat 4:17-de boldy, ol wagt köp adam ýatyrdy.

Siriýada ýer titremesinde ýogalanlaryň sanynyň artýandygyny we köp adamyň ýaralanandygyny Al-Ihbariýa tv ýurduň Saglygy goraýyş ministrligine salgylanyp habar berýär. Suratda halas edijiler Siriýanyň Aleppo şäherinde harabaçylyklaryň aşagyndan ejir çeken adamy çykarýarlar.

Suratda Türkiýäniň Diýarbakir şäheri. Moskwa wagty bilen 13:24-de ýazga geçirilen ikinji ýer yranmanyň çäginde, şu ýerde ýaşaýyş jaýy çökdi.

Diýarbakir şäheri

Türkiýäniň Gyzyl Ýarymaý jemgyýetiniň baştutany Kerem Kinik Türkiýäniň halkara kömegini kabul etmäge taýýardygyny aýtdy. Türkiýäniň prezidenti Ankara kömek bermek baradaky teklipleriň eýýäm dünýäniň 45 ýurdundan, şeýle-de ÝB we NATO-dan kabul edilendigini aýtdy.

Halas edijiler Siriýanyň Jandaris şäherinde, ýurduň demirgazyk-günbatarynda harabaçylygy açýarlar.

Siriýanyň Jandaris şäherinde ýer titremede weýran bolan bina.

Halas edijiler Jandaris şäherindäki ýer titremeden diri galanlary gözleýär.

Siriýanyň Hama welaýaty. Bu ýerde ýer titreme netijesinde birnäçe jaý ýykyldy.

Türkiýäniň Adana şäheri

Türkiýäniň Osmaniýe şäherinde halas ediş işleri gijelerine hem dowam etdirilýär.