Türkmenistanyň Türkiýede bolýan raýatlary kömek-maslahatlary we maglumat almak üçin ýörite telefon belgilerine ýüz tutup biler diýip, “Türkmenportal” degişli telefon belgilerini çap etdi.
Türkmenistanyň Daşary işler ministrliginiň telefon belgileri:
(+993 12) 44-56-88;
(+993 12) 44-57-22.
Türkmenistanyň Türkiýe Respublikasyndaky ilçihanasynyň telefon belgileri:
+90(505)1315685;
+903124417122 (23,24);
Stambul şäherindäki baş konsullygyň telefon belgileri:
+905375200935;
+902126620221;
Şeýle-de neşir Aşgabatdaky «Halk hakydasy» ýadygärlikler toplumynda Türkiýede bolan güýçli ýertitremesinde wepat bolanlaryň hatyrasyna sadaka beriljekdigini habar berýär.
TDH 8-nji fewralda Türkmenistanyň Halk maslahatynyň başlygy Gurbanguly Berdimuhamedowyň Türkiýäniň Aşgabatdaky ilçihanasyna gelip, doganlyk ýurduň wekillerine duýgudaşlyk bildirendigini habar berdi. G. Berdimuhamwedow "betbagtçylyga duçar bolanlaryň arasynda'öz raýatlarymyzyň hem bardygyny nygtady", döwletiň "her bir raýatyň arkasynda dag ýaly bolup durandygyny belläp, bir mesele ýüze çyksa, degişli düzümleriň üsti bilen zerur goldawlaryň beriljekdigini" belledi.
Sosial ulgamlarda ýer titremesinde heläk bolan türkmenistanlylaryň birnäçesiniň ady peýda boldy, emma resmi Aşgabat bu maglumatlary ne tassyklaýar, ne-de ret edýär.
Degişli maglumat Türkmen raýatlary ýer titremede ejir çeken watandaşlary barada habar berýärler, resmi maglumat ýok