12-nji dekabrda Türkmenistan Bitaraplyk baýramyny belleýär.
Häkimiýetler bitaraplygyň 27-nji ýyl dönümi mynasybetli ýurtda, uly baýramçylyklaryň öňýanynda adatça bolşy ýaly, mejbury çäreleri gurnap, telewideniýe üçin ýazgy etdiler.
Galyberse-de, Aşgabatdan ýurduň beýleki welaýatlaryndan gelip zähmet çekýän içerki migrantlar zor bilen çykaryldy.
Degişli maglumat Döwlet TW-si üçin köpçülikleýin çäreleriň nobatdakysy surata düşürildiSynçylar ‘bitaraplygyň türkmen görnüşiniň” režim tarapyndan ýurdy halkara jemgyýetçiliginden üzňeleşdirmek üçin ulanylýandygyny belleýärler.
BMG-niň Baş Assambleýasy 1995-nji ýylda Türkmenistany bitarap döwlet hökmünde ykrar etdi. 2017-nji ýylda BMG Türkmenistanyň teklibi bilen 12-nji dekabry Halkara Bitaraplyk güni yglan etdi. Türkmenistan 1995-nji ýylyň 27-nji dekabrynda “Türkmenistanyň Bitaraplygy hakynda” konstitusion kanun kabul etdi we munuň bilen özüniň bitaraplyk hukuk derejesini ýurduň baş kanunyna berkitdi.
Türkmen hökümeti we döwlet media serişdeleri ýurduň Bitaraplyk syýasatyny daşary syýasatda gazanylan uly ýeňiş we üstünlik hökmünde wagyz edýär. Ýöne 2022-nji ýyl ykdysady taýdan ýurtda iň agyr ýyllaryň biri boldy.
Bitaraplyk güni mynasybetli 9-njy dekabrda 308 adamyň günäsi geçildi.
Gadyrly okyjy, siz Telegram we WhatsApp tilsimleriniň messenjerleri arkaly Azatlyk Radiosy bilen howpsuz ýagdaýda habarlaşyp bilersiňiz. Telefon belgileri: +420 724 168 989 we +420 773 797 383.
Türkmenistanda VPN ulgamlary arkaly işleýär. Siz şu meýl: azathabar@derweze.net we sep arkaly biziň mugt Psiphon3 VPN ulgamymyzy Android ulgamlary üçin ýükläp bilersiňiz. Azatlyk Radiosy siziň şahsyýetiňiziň doly gizlinligini kepillendirýär.