Mary bag ekmek çäresine taýýarlanýar, nahallar býujetçileriň hasabyna satyn alynýar

Mary welaýatynyň häkimiýetleri hepdäniň ahyrynda geçiriljek "ählihalk bag ekmek dabarasyna" güýçli depginde taýýarlyk görýär. Taýýarlyklaryň çäginde bag ekiljek meýdanlarda we köçelerde arassaçylyk işleri geçirilýär. Bu işlere jemagat hojalygy gullugyna degişli edaralaryň işgärleri bilen bir hatarda, býujet işgärleri mejbury gatnaşdyrylýar.