Baýramalyda 100-den gowrak söwdagär häkimligiň öňünde üýşüp, merkezi bazaryň açylmagyny talap etdi
Siziň brauzeriňiz HTML5 formatyny goldamaýar
Mary welaýatynyň Baýramaly etrabyndaky merkezi bazaryň 100-den gowrak söwdagäri etrap häkimliginiň öňünde üýşüp, resmilerden awgust aýynda ýapylan bazaryň gaýtadan açylmagyny talap etdi. Häkimligiň resmileri bazaryň “ilatyň saglygyny goramak üçin ýapylandygyny” aýdyp, satyjylara ýene bir hepdeden bazary açmagy wada berdiler. Ýöne söwdagärler munuň “boş wadadygyny” aýdyp, öz harytlaryny bazaryň daşynda, uly ýoluň gyrasynda satyp başladylar. Bu ýagdaýlaryň jikme-jikleri barada Azatlyk Radiosynyň habarçysy Marydan maglumat berýär.