Türkmenbaşyda ilat dört gün bäri suwsuz kösenýär. Prezident Günüň aşa gyzmagynyň ýaramaz täsirlerini duýdurdy
Siziň brauzeriňiz HTML5 formatyny goldamaýar
Türkmenistanda aşa yssy howa saklanýan mahaly, Türkmenbaşy şäheriniň käbir etrapçalarynda ilat dört gün bäri suwsuz kösenýär. Geçen penşenbe güni kesilen suw üpjünçiligi ilatyň gündelik durmuşynda bökdençlikleri emele getirýär. Howanyň temperaturasy 47 gradusa ýetýän şu günlerde Marynyň edara-kärhanalarynda ýygnaklar geçirilip, işgärlere yssy howadan goranmak barada duýduryş berildi. Bu duýduryşlar prezident Gurbanguly Berdimuhamedowyň "Günüň aşa gyzmagynyň adamlaryň saglygyna ýaramaz täsir ýetirýändigi" barada eden çykyşynyň yzýanyna gabat geldi.