Türkmenistanyň prezidenti Gurbanguly Berdimuhamedow aýlyk zähmet hakynyň ýarysyny öz adyna döredilen haýyr-sahawat gaznasyna geçirdi. Bu barada TDH 5-nji aprelde habar berdi, emma geçirilen puluň mukdaryny aýan etmedi.
Ýatlatsak, 29-njy martda howandarlyga mätäç çagalara hemaýat etmek boýunça haýyr-sahawat gaznasy esaslandyryp, oňa prezidentiň ady dakylypdy. Resmi maglumata görä, şol günüň özünde milli hem-de daşary ýurt pulunda degişli bank hasaplary hem açylypdyr.