"Resminama gerek." Ölýänleriň köpelýän wagtynda merhumlary jaýlanmak üçin resminamalary almak kynlaşdy

Türkmenistanyň gündogaryndaky Lebap welaýatynda merhumlaryň jaýlanmagy üçin täze talaplar girizilenden soň, ilat zerur resminamalary almakda kynçylyk çekýär. Şunuň bilen baglylykda jaýlanyş çäreleri yza süýşürilýär. Şol bir wagtyň özünde, pandemiýa sebäpli öňküsindenem has ýapyk bolan ýurduň daşyna gitmek üçin seýrek pursatdan peýdalanmaga synanyşýan ýaşaýjylar hem resminamalary almak zerurlygy bilen ýüzbe-ýüz boldular.