Öýlerde COVID testi, antiseptikleriň howadan we traktordan sepilmegi. Türkmenistan koronawirusa garşy göreşýär
Siziň brauzeriňiz HTML5 formatyny goldamaýar
Türkmenistanyň paýtagtynda lukmanlar we şepagat uýalary öýme-öý aýlanyp, koronawirusly adamlary kesgitleýärler, olaryň goňşularyny keselhanalarda test etmäge iberýärler we käbir ýagdaýlarda öýlerine baryp, test geçirýärler. Welaýatlarda bolsa, howadan uçarly we ýerlerde traktorlardan antiseptikler sepilýär hem-de munuň üçin ilatdan pul ýygnalýar. Bu barada Azatlygyň habarçylary maglumat berýärler. Häkimiýetler, ýurtda koronawirusyň bardygyny inkär edýän hem bolsalar, ilata rus waksinasy bilen sanjym etmäge taýynlyk görüp, Sputnik V waksinasyny Merkezi Aziýada ilkinji bolup hasaba aldylar.