Eýranyň daşary işler ministri Muhammet Jawad Zarif Tähranyň Hytaý bilen 25 ýyllyk şertnama barada aýdyp, "ynam we ynanç" esasynda gepleşik alnyp barylýandygyny we onuň şertleriniň baglaşandan soň mälim ediljekdigini 5-nji iýulda mejlisde eden çykyşynda mälim etdi.
Zarif Hytaý bilen şertnama degişli hiç hili syryň ýokdugyny we bu meseläniň 2016-njy ýylyň ýanwar aýynda prezident Si Szinpiniň Tährana baranda aç-açan gozgalandygyny aýtdy.
Eýranyň baş lideri Aýatolla Ali Hameneýi hem Hytaý bilen strategiki ikitaraplaýyn hyzmatdaşlygy aç-açan goldaýar. Hytaý, Eýranyň iň esasy söwda hyzmatdaşy we ABŞ-nyň sanksiýalary bilen çäklendirilen Eýranyň çig-mal eksporty üçin esasy bazarydyr.
Zarifiň bu çykyşy maý aýynyň ahyrynda geçirlen saýlawlaryndan soň konserwatiw we aşa konserwatiw güýçleriň agdyklyk edýän täze mejlisinde eden ilkinji ýüzlenmesidir.