Gazagystanyň öňki prezidenti Nursoltan Nazarbaýewiň uly gyzy Dariga Nazarbaewa parlamentiň ýokarky öýüniň Senatyň spikeri wezipesine saýlandy.
Munuň öňüsyrasynda 20-nji martda irden Kasym-Žomart Tokaýew Gazagystanyň prezidentiniň wezipesini ýerine ýetirijisi hökmünde kasam getirdi. 65 ýaşly Tokaýew Moskwada bilim alyp, ol Gazagystanyň premýer-ministri, daşary işler ministri wezipelerinde işläpdi.
Gazagystany 30 ýyla golaý wagt dolandyran Nursultan Nazarbaýew özüniň wezipeden çekilýändigini 19-nji martda yglan etdi. Şol bir wagtda, 78 ýaşly Nazarbaýewiň ýurtdaky täsirini saklap galjakdygy aýdylýar.