ABŞ-nyň goranmak sekretary Jim Mattis Makedoniýa gelip, Russiýanyň öz maliýe serişdelerini we täsirini ulanyp, ozalky Ýugoslawiýa respublikasynyň adyny üýtgetmek boýunça geçirilmeli referenduma garşy oppozisiýany esaslandyrmakçy bolýandygyny aýtdy.
“Olaryň maliýe serişdelerini geçirendigine, şeýle-de täsir ýetirmek üçin has giň gerimli kampaniýalary ulanýandygyna hiç hili şübhe ýok” diýip, Mattis özi bilen birlikde Skopýa sapar edýän žurnalistlere gürrüň berdi.
Ol Moskwanyň referenduma täsir ýetirmek tagallalarynyň nä derejede üstünlikli bolandygynyň anyk däldigini hem belledi.
30-njy sentýabrda geçmeli referenduma balkan döwletiniň adyny Demirgazyk Makedoniýa üýtgetmek boýunça ses berilişik geçiriler.