ABŞ-nyň prezidenti Donald Tramp 2016-njy ýylyň iýunynda Nýu-Ýorkda Kreml bilen ilteşikli bir aklawçy bilen geçirilen duşuşykda, özüniň syýasy garşydaşy barada maglumat alandygyny mälim etdi. Emma, Tramp munuň “dolulygyna kanuny bolandygyny” hem belledi.
Tramp 5-nji awgustda özüniň Twitter hasabynda ýerleşdiren ýazgysynda bu hili duşuşyklaryň “syýasatda elmydama-da geçirilýändigini” öňe sürdi.
Fake News reporting, a complete fabrication, that I am concerned about the meeting my wonderful son, Donald, had in Trump Tower. This was a meeting to get information on an opponent, totally legal and done all the time in politics - and it went nowhere. I did not know about it!
— Donald J. Trump (@realDonaldTrump) August 5, 2018
Maglumata görä, bu duşuşyga Trampyň ogly Donald Tramp Jr; häzirki ýokarky derejeli maslahatçysy we giýewsi Jared Kuşner; şol döwür Trampyň saýlaw kampaniýasyna ýolbaşçylyk eden Paul Manafort; russiýaly aklawçy Natalýa Weselnitskaýa we beýlekiler gatnaşypdyrlar.
Aýdylmagyna görä, rus araçysy Trampyň ogluna rus resmilerinde Trampyň saýlaw bäsdeşi Hillari Klintony “garalajak” maglumatlaryň bardygyny aýdandan soň, bu duşuşygy geçirmek barada ylalaşylypdyr.
Welnitskaýa Kongresiň öňünde beren hasabatynda şol döwür Kreml bilen hiç hili ilteşiginiň bolmandygyny aýtdy.