Gazagystanyň Karagandy şäherinde sowet döwrüniň meşhur rok aýdymçysy Wiktor Tsoýyň ýadygärligi açyldy.
26-njy awgustda geçirilen dabara aýdymçynyň kakasy gatnaşdy.
Tsoý we onuň “Kino” atly rok topary 1980-nji ýyllaryň aýagynda Sowet Soýuzynda örän meşhurdy. Onuň aýdymlary azatlygyň we syýasy özgerişlikleriň simwolyna öwrülipdi.
Wiktor Tsoý 1990-njy ýylyň 15-nji awgustynda ulag heläkçiliginde ýogaldy.
Wiktor Tsoý özüniň “Gün atly ýyldyz” atly meşhur aýdymyny 1988-nji ýylda Almaty şäherinde ýazga alypdy. Onuň kakasy Robert Tsoý 1938-nji ýylda Gazagystanda doguldy.
Almatynyň häkimiýetleri Tsoýyň ýadygärligini sentýabr aýynda açmagy planlaşdyrýandygyny şu ýylyň başynda mälim edipdi.