Orsýet Siriýada amala aşyrýan howa zarbalarynyň netijesinde parahat ilatyň arasynda pidalaryň bolýandygy barada “ynamly subutnamanyň” ýokdugyny aýdýar.
Kremliň metbugat-wekili Dmitriý Peskow şeýle kommentariý bilen Germaniýanyň kansleri Angela Merkeliň Orsýetiň howadan bombalamagynyň parahat ýaşaýjylaryň arasynda döreden netijeleriniň özüni “hopukdyrandygyny” aýtmagynyň yzýany, 9-njy fewralda çykyş etdi.
Şeýle-de Peskow Türkiýäniň prezidenti Rejep Taýyp Erdoganyň Orsýetiň Siriýany basyp almaklyga gatnaşýandygy barada aýdanlaryny “ýalan we manysyz” diýip atlandyrdy.
Orsýet Siriýada amala aşyrýan howa hüjümlerine 30-njy sentýabrda başlady we hökümet güýçlerine Siriýanyň merkezinde we günbatarynda ekstremist toparlaryň we oppozision söweşijileriň eline geçen territoriýalary gaýdyp almaga ýardam berýär.