Gazak prezidenti Nursoltan Nazarbaýew öz ýurdunyň nebit bahasynyň arzanlamagy zerarly dörän kynçylyklardan üstün çykjakdygyny aýdýar.
Ol 29-njy ýanwarda, dolandyryjy «Nur Otan» partiýasynyň ýygnagynda çykyş edip, «Geliň bir arakesme edip, ýoga edýänler ýaly, çuň dem alalyň we dollary ýatdan çykaralyň» diýdi.
Nazarbaýew süýt, ýag, at eti ýaly önümleriň bahalarynyň soňky 12 aýda hakykatda aşak gaçandygyny aýtdy.
Emma, resmi maglumata görä, sarp ediş bahalary 2015-nji ýylda 13.6 prosent ýokary galypdyr.