Eýranyň prezidenti Hassan Rohani Italiýa saparyny jemläp, Fransiýa barýar.
Rohaniniň bu sapary 20 ýylyň dowamynda Eýranyň prezidentiniň Ýewropa ilkinji saparydyr.
Eýran dünýäniň iň täsirli ýurtlary bilen baglaşan ylalaşygynyň esasynda 16-nji ýanwarda halkara sanksiýalarynyň ýatyrylmagyndan soň daşary ýurt maýa goýumlaryny gözleýär.
Rohani 27-nji ýanwarda Parižde Fransiýanyň prezidenti Fransua Holland bilen gepleşik geçirer. Saparyň netijesinde möhüm biznes kontaktlaryň baglaşylmagyna garaşylýar.
Rohaniniň Italiýa saparynyň netijesinde köp milliardlyk şertnama gol çekildi.