Bagdatda ogurlanan 16 sany türk işçisi azatlyga çykdy. Olar bir aýa golaý ýesirlikde saklandy.
Türkiýäniň premýer-ministri Ahmet Dawutoglu ol işçileriň 30-njy sentýabrda Yrakdaky türk ilçisine gowşurylandygyny aýtdy.
Şeýle-de ol işçileriň hemmesiniň hal-ýagdaýynyň gowudygyny sözüne goşdy. Emma ol işçileriň nähili ýagdaýda azat edilendigi barada goşmaça maglumat bermedi.
2-nji sentýabrda Bagdadyň demirgazygynda ogurlanan 18 işçiniň 2 sanysy iki hepde soň Basrada azat edilipdi.