Türkmen görnüşleri - 36-njy hepde

Paýtagt Aşgabadyň Oguzhan köçesiniň ugrundaky duralgalaryň birinde awtobusa garaşyp duran talyp gyz-oglanlar.

Mary welaýatynyň Ýolöten etrabyndaky derwezeleriň biri. Bu derweze öňki "Osman" häzirki "Galkynyş" gaz känindäki zawodlar toplumynyň girelgeleriniň birinde ýerleşýär.

Paýtagt Aşgabatda 1-nji synp ogluny mekdebe alyp gelen ene.

Aşgabadyň "Graždan" we "Andalyp" köçeleriniň çatrygy. Ýol gözegçilik gullugynyň işgäri awtoulaglaryň geçişini sazlamak üçin ýola gözegçilik edýär.

Mary şäherindäki awtoterminalda otly biletlerini almak üçin nobata duran ýolagçylar. Marynyň demirýol wokzalynyň 1-nji terminaly abatlaýyş işleri sebäpli ýapyldy. Terminalyň ýapylmagynyň bolsa, ýolagçylarda dürli bökdençikleri döredendigi habar berilýär.

Aşgabadyň "Gaudan" sebitindäki köçeleriň birinde söwda edýän zenanlar. Türkmenistdanda käbir köçe söwdagärleriniň gyşyň sowugyna, tomsuň yssysyna garamazdan, ertirden agşama çenli köçelerde oturyp, söwda edýändigi habar berilýär.

Ýakynda ýumrulan "Daýhan bazarynyň" boşap galan meýdançasy. ​Aşgabatda “Daýhan bazary” diýlip atlandyrylýan lomaý söwda bazarynyň söwdagärleri şu ýylyň mart aýynda başga ýere göçürilipdi. ​"Daýhan" bazarynyň göçürilmegi telekeçiler bilen birlikde, ýerli ýaşaýjylara hem täsir ýetirdi.