"Piwo zawod" sökülýär

"Piwo zawod" Aşgabadyň taryhy desgalarynyň biri hasaplanýardy.

"Piwo zawod" 1937-nji ýylda bina edilipdi.

Käbir maglumatlara görä, bu zawod piwo öndürmek boýunça Türkmenistandaky ilkinji kärhana bolupdyr.

Zawod 1948-nji ýyldaky ýer titremede weýran bolup, ol soňundan täzeden dikeldilýär.

"Piwo zawod" Magtymguly prospektiniň we Azady köçesiniň aralygynda ýerleşýärdi.

Zawodyň häzir anyk näme sebäpden sökülýändigi barada takyk maglumat berilmeýär.

Zawodyň ýerinde haýsy desganyň galdyryljakdygy baradaky maglumat hem elýeterli däl.