Owgan türkmenleri protest geçirýär

Eýýäm üç gün bäri dowam edýän protestlerde etniki türkmenler şu gün Balh welaýatyndan Farýap welaýatyna gidýän esasy gara ýoly ýapdylar. 

Olar öz talaplary berjaý edilmese, protest çärelerini dowam etdirmegi wada berdiler.

Protestiň dowamynda Owganystanyň Jowizjan welaýatynyň Akja etrabynyň öňki häkimi Hajy Abdul Kaýum we Owganystanda ýaşaýan türkmenleriň Ýaşlar jemgyýetiniň jogapkäri Nureddin dagylar çykyş etdiler.