Moldowada paýtagt Kişinewiň häkimini saýlamak boýunça geçirilýän saýlawlaryň ikinji tapgyrynda Günbatara tarapdar häzirki häkim ýeňiş gazandy.
29-njy iýunda Moldowanyň Merkezi saýlaw komissiýasy saýlaw býulletenleriniň ählisiniň sanalandygyny aýdyp, netijeleri yglan etdi.
28-nji iýunda geçirilen bu saýlawlarda Liberlar partiýanyň başlygynyň orunbasary Dorin Çirtoaçanyň (Dorin Chirtoaca) sesleriň 53,46%-ni alyp, ýeňiş gazanandygy yglan edildi. Şol bir wagtyň özünde onuň garşydaşy Russiýa tarapdar Sosialistik partiýadan Zinaida Dreseani (Zinaida Greceani) sesleriň 46,56%-ni aldy.
29-njy iýunda Sosialistik partiýanyň lideri Igor Dodin saýlawlara bidüzgünçilikleriň kölege salandygyny öňe sürdi.
Kişinewdäki saýlawlara ilatyň 49%-i gatnaşdy.