Türkmen görnüşleri - 10-njy hepde
Aşgabadyň Asudalyk köçesinde Içeri işler we milli howpsuzlyk ministrliginiň arasynda köçäniň açylmagyna garaşyp duran adamlar. Paýtagtda prezident Gurbanguly Berdimuhamedowyň protokol köçelerinden geçýän mahaly, köçeleriň ýapylýandygy habar berilýär. Aşgabatlylaryň köçe gaýtadan açylýança, köçeleriň gyrasynda ýa-da aralyk kiçi köçelerde garaşmaly bolýandygy aýdylýar.
Paýtagt Aşgabadyň gyzlary köçedäki öýsüz-öwzarsyz itleri sypalaýarlar.
Paýtagt Aşgabadyň Parahat-2 mikroraýonynda meýdança zyňylan zir-zibiller.
Aşgabadyň 6-njy kiçi etrapçasynda ýaşaýyş jaýdan aýrylyp taşlanan çanak antenalaryň biri. Soňky aýrlarda Aşgabadyň ençeme kiçi etrapçasynda köp gatly ýaşaýyş jaýlaryň öňündäki ýa-da ýokarsyndaky çanak antennalar aýrylyp, deregine umumy liniýalar çekilýär.
Balkan welaýatynyň Jebel otly stansiýasynyň ýokarsyndaky körüden mekdep okuwçylarynyň geçýän pursady.
Aşgabadyň Parahat-5 kiçi etrapçasyndaky aralyk köçeleriň birinde asfalty çöken ýol. Bu sebitiň ýaşaýjylary zaýalanan köçelere käte ençeme aýlap üns berilmeýändigini aýdýarlar.
Aşgabat şäheriniň Saglygy saklaýyş edarasynyň öňünde işçiler suw çüwdürimini arassalaýarlar.