Türkmenistanda garaşsyzlyk ýyllaryndan raýatlaryň ýaşaýyş jaýlarynyň müňlerçesi ýumruldy. Milli kanunlarda raýatyň jaýynyň, emläginiň eldegrilmesizdigine kepil geçilýän hem bolsa, häkimiýetler tarapyndan dürli ýyllarda jaýlary ýumrulan raýatlaryň uly böleginiň çeken zyýanynyň öwezi şu günki güne çenli dolunman galýar.
Türkmenistanly ýazyjy Amanmyrat Bugaýew jaýynyň ýumrulmagyna degişli öz başyndan geçiren ýagdaýyny gürrüň berdi.
