Russiýanyň Ukrainany awiabombalar, söweş pilotsyz uçarlary we raketalar bilen nyşana almagy netijesinde, Ukrainanyň prezidenti Wolodymyr Zelenski 24-nji noýabrda öz halkyny goramak üçin "has köp howa goranyş ulgamlarynyň zerurdygyny" aýtdy.
"Biziň öz asmanymyzy goramagy güýçlendirmegimiz diýseň möhüm" diýip, Zelenski sosial ulgamlarda ýazdy we Kiýewiň ýurduň howa goragyny gowulandyrmak ugrunda hyzmatdaşlar bilen "aktiw işleýändigini" aýtdy.
Zelenskiniň habaryna görä, Russiýa soňky bir hepde içinde Ukraina garşy 800-den gowrak ugrukdyrylýan awiabombany, 460 töweregi pilotsyz uçary we 20-den gowrak dürli görnüşli raketa atdy.
Ukraina we Russiýa, iki ýurt hem 24-nji noýabrda öten agşam beýleki tarapdan onlarça pilotsyz uçaryň öňüni alandygyny habar berdi.
Ukrain goşuny irden howa goragçylarynyň Russiýanyň uçuran 73 pilotsyz uçarynyň 50-sini urandygyny, öňi alnan pilotsyz uçarlaryň 10-dan gowragynyň paýtagt Kiýewi nyşana alandygyny aýtdy.