Russiýanyň 20-nji dekabrda ukrain paýtagtyna we günortadaky Herson sebitine uran howa zarbasynda azyndan iki adam ölüp, birnäçe adam ýaralandy.
Russiýa diňe Kiýewe sekiz sany raketa, şol sanda gipersonik Kinžal we Iskander/KN-23 ballistik raketalaryny atdy diýip, Kiýewiň harby administrasiýasynyň başlygy Serhiý Popko aýtdy.
Tutuş Ukraina birnäçe sagatlap umumy howa hüjümi hüşgärligi astynda boldy.
Ukrain şäherleri we infrastrukturasy Russiýanyň pilotsyz uçar we raketa zarbalaryna döz gelmegini dowam etdirýär, ýarag we adam güýji meselesinde kösenýän ukrain güýçleri rus güýçleriniň gündogardaky çalasyn ilerlemeleriniň öňüni almakda kynçylyk çekýär..
Kiýewiň Holosiiw etrabyna urlan zarbada bir adam öldi, şaýatlar şäherde birnäçe partlamanyň bolandygyny habar berdiler.
Kiýewiň häkimi Witaliý Kliçko urlan pilotsyz uçarlaryň galyndylaryň paýtagtyň dört etrabyna gaçyp, azyndan iki adamy ýaralandygyny habar berdi.
Hersonda 60 ýaşly bir adam rus hüjüminiň pidasy boldy, ýene iki adam, şol sanda 86 ýaşly erkek ýaralandy diýip, sebit häkimiýetleri habar berdi.