ABŞ-nyň ozalky prezidenti Donald Tramp Ukrainadaky urşy bes etmek boýunça özüniň “ygtybarly” planynyň bardygyny, emma ony diňe noýabrdaky prezidentlik saýlawlarynda ýeňiş gazansa, şonda aýan etjekdigini aýtdy.
Respublikançylar partiýasyndan dalaşgär Tramp saýlawlardaky bäsdeşi, Demokratik partiýanyň kandidaty Kamala Harris bilen saýlaw ýaryşynda egin-egne barýar.
Tramp 3-nji sentýabrda eden çykyşynda, Ukrainadaky urşy bes etmek planlaryny öňünden mälim etse, onda olaryň soňy bilen şowsuz bolup biljekdigini nygtady.
Harris Trampy Ukrainadaky urşy birnäçe günüň dowamynda togtatmak planlary barada dowamly gürrüň etse-de, muny nähili amal etmegi göz öňünde tutýandygyny aýdyňlaşdyrmazlykda tankytlady.