3-nji oktýabrda irden Ukrainanyň howa hüjüminden goranyş gulluklary Russiýanyň atan 15 töweregi dronuny Kiýewiň üstünde urdy. Bu barada paýtagtyň harby administrasiýasynyň başlygy Serhiý Popko Telegramda ýazgy galdyrdy.
Popko bäş sagada golaý dowam eden hüjümiň netijesinde, urlan bir dronuň galyndylarynyň Kiýewiň Desnýanskiý etrabyna gaçandygyny, ýöne uly zyýan we zeper ýetirmändigini hem sözüne goşdy.
Mundan başga-da, Ukrainanyň Harby howa güýçleri rus dronlarynyň ýurduň Çernihiw, Poltawa, Çerkasy, Sumy we Winnytsa regionlarynyň üstünde hem ýok edilendigini habar berdi.
Bu aralykda, Russiýanyň Goranmak ministrligi öten agşamyň dowamynda ýurduň Belgorod, Woronež, Kursk we Brýansk sebitleriniň üstünde Ukrainanyň atan 113 dronunyň urlup düşürilendigini aýtdy. Ministrlik iň köp dronuň, ýagny 73 sanysynyň Belgorodyň üstünde ýüze çykarylandygyny belledi.