Prezident Serdar Berdimuhamedow 17-nji aprelde Aşgabat – Türkmenabat ýokary tizlikli awtomobil ýolunyň Tejen – Mary böleginiň açylyş dabarasyna gatnaşdy.
Uzynlygy 600 kilometr bolan Aşgabat – Türkmenabat ýokary tizlikli awtomobil ýolunyň gurluşygyna 2019-njy ýylyň 24-nji ýanwarynda badalga berildi. Onuň gurluşygy üç tapgyrda – Aşgabat – Tejen (203 kilometr), Tejen – Mary (109 kilometr) we Mary – Türkmenabat (288 kilometr) tapgyrlarda amala aşyrylýar diýip, TDH-nyň habarynda aýdylýar.
Bu ýoluň birinji tapgyry – Aşgabat – Tejen bölegi 2021-nji ýylyň oktýabrynda ulanmaga berildi.
Bu ýol “Türkmen Awtoban” ýapyk görnüşli paýdarlar jemgyýeti tarapyndan gurulýar.
