ABC we “New York Times” Russiýanyň Baş ştabynyň başlygy Waleriý Gerasimowyň geçen hepde ABŞ-nyň Baş ştabynyň bilelikdäki serkerdeler komitetiniň başlygy, general Çarlz Braun bilen "örän geň” telefon söhbetdeşligini edendigini habar berdiler.
ABC-niň ýazmagyna görä, Gerasimow 27-nji noýabrda Brauna jaň edip, Ortaýer deňzindäki rus gämileriniň ýakyn wagtda gipersonik raketalary synag etjekdigini duýdurdy.
Russiýanyň Goranmak ministrligi 3-nji dekabrda bu synagyň Ortaýer deňziniň gündogar böleginde geçirilendigini açyk yglan etdi.
“New York Times” gazetiniň habaryna görä, Gerasimow amerikan kärdeşine Kremliň “Oreşnik” diýip atlandyrýan täze raketasynyň synagyny Baýden administrasiýasy Ukraina Russiýanyň ykrar edilen ýerlerindäki nyşanalara garşy ATACMS ulanmagyna rugsat bermezden has öň meýilleşdirilendigini aýtdy.
Russiýanyň prezidenti Wladimir Putin biraz öň bu raketa bilen urlan zarbany Russiýanyň çägine edilen ilkinji ATACMS hüjümine jogap hökmünde görkezipdi.