19-njy iýulda Windows operasion sistemasynda dörän näsazlyk sebäpli, dünýä boýunça howa gulluklaryň, media serişdeleriň, banklaryň we aragatnaşyk kärhanalaryň işinde bökdençlikler ýüze çykdy.
Bu bökdençlikler ABŞ-nyň, Ýewropanyň, Türkiýäniň, Hindistanyň we Awstraliýanyň dagy iri aeroportlarynyň işine täsir ýetirdi. Näsazlyk sebäpli bu ýurtlaryň bank ulgamlarynda, hassahanalarynda we wokzallarynda hem bökdençlikler döredi.
Microsoft kärhanasy Windows 10 operasion sistemasyndaky näsazlygyň CrowdStrike anti-wirusynyň täzelenmegi bilen bagly dörän ýalňyşlyk sebäpli ýüze çykandygyny aýtdy. Kompaniýa munuň kiber-hüjüm bolmandygyny we degişli çäreleriň görülýändigini aýtdy.