ABŞ-nyň prezidenti Jo Baýden Hamas toparynyň ýaragly adamlarynyň 7-nji oktýabrda Ysraýyla eden hüjümleri wagtynda zamun alnan adamlaryň käbiriniň ýakyn wagtda, Ýakyn Gündogaryň kömegi bilen baglaşylan ylalaşyk esasynda azatlyga çykjakdygyna örän begenendigini aýtdy.
"Men bu batyrgaý adamlaryň käbiriniň, şertnama doly ýerine ýetirilenden soň, öz maşgalalaryna gaýtadan gowuşjakdygyna diýseň begenýärin" diýip, Baýden aýtdy.
Baýden Kataryň we Müsüriň ýolbaşçylaryna olaryň ylalaşyk baglaşylanda görkezen "aýgytly ýolbaşçylygy" üçin minnetdarlyk bildirdi we, Gazadaky söweşe berlen arakesmäniň uzaldylmagyna razylyk berendigi üçin, Ysraýyly öwdi.
Ikinji gün, birnäçe hepde dowam eden uruşdan soň, dört günlük ýaraşyk yglan edildi.
ABŞ we ÝB tarapyndan terror guramasy diýlip kesgitlenen Hamas toparynyň Ysraýyl bilen gelen ylalaşygy Gaza azyndan dört günläp kömek getirilmegine we söweşijiler tarapyndan zamun alnan adamlaryň azyndan 50 sanysynyň Ysraýylyň türmelerinde saklanylýan palestinaly tussaglaryň azyndan 150 sanysy bilen çalşylmagyna ýol açýar.