Paýtagt Aşgabadyň “Parahat-7” mikroraýonynda ilat köpçüligi proteste çykdy.
Sebitiň onlarça ýaşaýjysy, resmiler mikroraýondaky jaýlaryň sowadyjylaryny aýyrmaga gelenlerinde, olara garşy çykdylar.
Ýaşaýjylaryň görkezen garşylygyndan soň, resmiler we işgärler häzirlikçe sebiti terk etdiler.
“Parahat-7” mikroraýonynyň ýaşaýjylary şäher häkiminiň edarasyna ýöriş geçirmäge çagyryş etdiler.
Azatlyk Radiosynyň habarçysy Soltan Açylowa wakanyň bolan ýerinden şeýle maglumatlary berýär:
Ýatlap geçsek, şu ýylyň 23-nji awgustynda hem resmiler “Parahat-7” mikroraýonynyň sowadyjylaryny aýyrmaga gelenlerinde ýaşaýjylar köçä çykypdylar. Şonda resmiler sowadyjylaryň aýrylmajakdygyny öňe sürüpdiler.