'Ýüpek ýoly' bazary göçürilýär

Marynyň "Ýüpek ýoly" bazary ýykylyp başlandy. Bazardaky söwdegärleriň maglumatyna görä, bazar Mara 15 kilometrlikde ýerleşýän täze bazara göçüriljek. Täze bazarda bolsa taýýarlygyň ýokdugy ýagny dükanlaryň ýetmezçilik edýändigi, we kadaly ulag gatnawynyň hem heniz ýola goýulmandygy aýdylýar. Mundan ozal Ahal we Lebap welaýatynda ýerleşýän şonuň ýaly açyk bazarlar hem ýykylyp, olar täze gurlan bazarlara göçürlensoň, edil şeýle problemalar bilen ýüzbe-ýüz bolupdylar.