Russiýanyň Orenburg oblasty boýunça oba hojalyk gözegçisi “Rosselhoznadzor” 24-nji aprelde geçiren fitosanitariýa barlagynda Türkmenistandan getirilen 19 tonna pomidorda zyýankeş mör-möjekleri anyklady. Bu barada “Rosselhoznadzor” 30-njy aprelde mälim etdi.
Beýanata laýyklykda, 2024-nji ýylyň başyndan bäri Türkmenistandan gelen önümleriň 12 ýagdaýynda, jemi hasapda 144 müň tonna önümde Günorta Amerikanyň pomidor güýesiniň (Tuta absoluta) tapylandygy nygtalýar.
Maglumatda, ýerli kanunçylygyň talaplaryna laýyklykda, önümi ýurduň çägine getirmek gadagan edilendigi aýdylýar.
Türkmenistanyň oba hojalyk resmileri daşary ýurtlara eksport edilýän gök-bakja önümlerinde karantin organizmleriniň, şol sanda zyýankeş mör-möjekleriň tapylmagy baradaky habarlar boýunça beýanat bermeýär.