Türkmenistan öz garaşsyzlygyny alan soň, hususanda prezident Gurbanguly Berdimuhamedowyň döwlet başyna gelmegi bilen, ýurduň dürli künjeginde täze-täze mekdepler, çagalar baglary, sport mekdepleri gurulýar.
Şol bir wagtyň özünde Azatlyk Radiosy bilen söhbetdeş bolýan käbir ýaşaýjylar öz ýaşaýan sebitlerinde orta mekdebiň ýoklugy sebäpli, çagalarynyň başga bir sebitdäki ýa-da beýleki etrapdaky mekdeplere gatnamaly bolýandygyny aýdýarlar.
Şeýle raýatlaryň biri Daşoguz welaýatynyň Türkmenbaşy etrabyndan özüni Aýşat diýip tanyşdyran kärendeçi zenan. Ol bu barada Azatlyk Radiosynyň Türkmenistandaky habarçysy Soltan Açylowa gürrüň berdi.
